Jowai, Naitung 18
Ka lympung ïalehkai “4th U Adelbert Laloo Memorial Trophy-3rd Division Football Tournament” ka la nangjam shaphrang ha ka Sngi Palei ha kaba ka Ardamihki Demthring ka la jop ïa ka Umshangiar da ka 3-1. Ïa kine kol la thep da u Justify Ryngkhlem ha ka minit kaba 18, u Damgkermio Ryngkhlem bad u Heisa Ryngkhlem. Katba ïa ka kol jong ka Umshangiar la thep da u Tremi Phawa (40).
Ka Ïooksi Youth Welfare ka la pynliem ïa ka FAM lyngba ka shi kol ba la thep da u Pyrkhat Paslein (30).
Ha ka jingïakhun hapdeng ka Lumiongkjam bad ka Youth Welfare Pynthor Langtein ki la ïakhaid hadien ba kim shym la lah ban thep kol.
Katba ka Mooknor Nangbah ka la ïakhaid mar 1-1 kol pyrshah ïa ka Khliehshnong Ïalong.
