Shillong, Naitung 18
Ka New Challenger FC, Mawpdang SC bad ka Madan S&CC ki la ïoh jingjop ha ka lympung ïalehkai Under-20 Fourth Division 2024 ha ka Sngi Palei.
Ha kane ka jingïakhun kaba la long ha SSA Stadium, Polo, ka New Challenger FC ka la pynliem noh ïa ka Mawnianglah Youth SC da 2-0 kol. Ïa kine la thep da u Lambok June Mylliem Umlong (18) bad u Ginestar Nongneng (65).
Kumjuh ka Mawpdang SC ka la jop da 3-0 kol ïa ka Mawlyngngad SC. U Patsha Syiem u la thep ar kol ha ka minit kaba 8 & 66 bad u Pyntiplang Syiem (27).
Haba phai sha kawei pat ka jingïakhun kaba khatduh, ka Umsohsun SC ka la shah rem noh da 0-2 kol ha ka Madan S&CC. Kane ka ne la wan lyngba u Adika (10) bad Phermanbha Lyngdoh (25).
