Balei, hap ban ong kumne ka daw ka long ba nga iohi ba ka shongkha shongman mynta ka la sting thew lane kheiñ sting, ñiew sting. Bun kiba shu ïa shong-kha khlem kynjoh ktien ïa ki kmie ki kpa.
Ki khun samla ki la dep ki la dep ïa poi kha shuwa ne ïa shong ki sa ïathuh ïa ki kmie ki kpa. Kane ka la paw shai ba ka shongkha shongman mynta kam don burom shuh nalor ka shongkha khynnah. Kiba da ïathuh kmie ïathuh kpa imat ki long tang kumba 10 p.c ei ei kata kiba da pynlong ka jingïateh ktien lyngba ka jingtip ki kmie ki kpa bad ki bor ba dei peit ïa kane ka kam kyntiew kurim.
Katba 90 p.c. ha ka Jylla ki shu ïa shong kumto khlem da ïaid lyngba ka jingïatehktien kum ka rukom ban pynlong ka jingkyntiew kurim. Ka daw ka lah ban long ka dei na ka jingban ka jingduk jingkyrduh ha ïing ha sem. Kiba bun kim da kwah ban pynlong ka ïa kyntiew kurim namar ka don ka jinglut kaba ktah ïa ka ïing ka sem. Kumta ki shu pyndep rukom kata ka ïathoh tymmen lyngba ki kynhun balang kum ka rukom leh mynta ha ri jongngi.
C. B. Iawphniaw
