Shilllong, Naitung:
Ka Vi Business, kawei na ki shnat treikam ka Vi, ka la pynbna ïa ka jingïatehlok bad ka PayU, kaba long ka shnat ai jingshakri ha ka liang ki kam pisa-pilaiñ lyngba ka Digital, bad kaba thmu ban wanrah jingkylla ha kaba ïadei bad ki kam Digital na ka bynta ki karkhana MSME ne ki karkhana kiba rit ba pdeng bad kiba kham heh ha India. Lyngba kane ka jingïatehlok yn pynlong ïa ki karkhana MSME ba kin lah ban pyndonkam ïa ka rukom siew pisa da kaba leh lyngba ka Digital bad ban pynkhlaiñ shuh shuh ïa ka jingtreikam jong ki ha kaba ïadei bad ka Digital.
Ka jingthmu jong kane ka jingïatehlok ka long ban pynïar ïa ka jingtreikam jong ka ha Shillong, da kaba pynsuk ïa ki briew ban ïoh ïa kine ki jingshakri bad ban pynlong ïa ki kam khaïi pateng ha ka thaiñ ba kin pyndonkam da ki jingshakri lyngba. Kane ka jingïatehlok la pyndonkam ïa ka Vi Business kaba long kawei na ki jingshakri ha ka liang ki kam Digital ryngkat bad ka PayU kaba long ka shnat kaba tbit ha ka liang ka Fintech bad ki rukom siew pisa lyngba ka Digital. Ki bynta kiba kyrpang jong kane ka jingtyrwa ki kynthup ïa ka rukom ba lah ban siew pisa, ka don ruh ïa ki jingtyrwa ba la saiñdur kyrpang ne Customized Offer Engine, Buy Now Pay Later (BNPL), bad ka jingïatreilang bad ka WhatsApp, ïa kaba la saiñdur ban pynbha shuh shuh ïa ka jingtreikam ha ka liang ka khaïi pateng jong na ka bynta ki MSME.
U Arvind Nevatia, Chief Enterprise Business Officer jong ka Vodafone Idea, u la ban jur da kaba ong “Ka jingïatehlok jong ngi bad ka PayU ka pyni ïa ka jingaiti lut jong ngi na ka bynta ki kam kiba ïadei bad ka jingpynkupbor ïa ki karkhana kiba rit bad ki pdeng ha kylleng ka India. Da kaba khleh lang ïa ka Vi Business bad ki buit treikam thymmai jong ka PayU fintech, ka jingthmu jong ngi ka long ban nang kham pynsted ïa ka jingkiew jong ki karkhana MSME.”
