Imphal, Naitung:
Kum shi bynta ban pynkhlaiñ ïa ka jingpyntreikam ban ïakhun pyrshah halor ki jingdih pynbuaid, ka tnat Mizoram Excise & Narcotics ka la pynduh ïa ki kyiad beaiñ kiba shongdor haduh T. 57,15,800 ha ka prokram kaba kyrpang kaba la pynlong ha Bethani Multipurpose Farm ha Phunchawng.
Ïa kane ka jingpynjot la leh katkum ka jingtreikam ka Rule 65(1) jong ka Mizoram Liquor (Prohibition) Rules, 2022. Ha ka prokram “Pynduh pyndam ïa ki kyiad ba la kurup”, ka tnad ba dei khmih ka la bret noh ïa ka kyiad ba bun ba la ïoh ban kurup, kane ka jingpyntreikam ka long shi bynta jong ka jingpyrshang jong ka jylla kaba mynta ban tehlakam ïa ka jingdih kyrni ïa ka kyiad beaiñ.
Ka kyiad ba la shah pynduh ki kynthup ïa 4,522 tylli ki bilor ka Whisky 750 ml, kaba shongdor haduh T. 36,17,600, 120 tylli ki bitor Whisky 375 ml, kaba shong dor T. 42,000, 648 tylli ki bilor Whisky 180 ml, kaba shong dor T. 97,200, 492 tylli ki bilor Rum 750 ml, kaba shongdor T. 1,23,000, 5,760 tylli ki tin Beer 500 ml, kaba shongdor T. 17,28,000, 216 tylli ki bilor Champwine 750 ml, kaba shong dor `. 1,08,000.
Kane ka jingpyntreikam ka long shi bynta ban pynurlong ïa ki jingkular ban pyntreikam ïa ki aiñ ban khang bad ban ïaleh pyrshah ïa ka jingeh kiba mih na ka kyiad beaiñ ha Mizoram.
