Shillong, Naitung:
Namar ka jingbuh jong ki nongshong shnong ka India kiba leit sha bar ri bad ban leit sha ki jaka kylleng ha Central bad West Asia, kawei na ki kompani ba paw ha ka liang ka jingshakri Telecom ka Vi, ka la pyllait paidbah ïa ka Postpaid International Roaming pack ba thymmai na ka bynta ban leit sa sha ki lai tylli ki ri kata ka – Kazakhstan, Uzbekistan, bad Jordan. Ki nongyndonkam ïa ka Vi ki lah ban bteng ïa ka Connection jong ki ha ki 120 tylli ki ri bad ka dor jong kane ka Connection ka long tang 649 tyngka. Ka Vi ka la buh sa ïa ka ri Kazakhstan, kaba long ka ka ri kaba don ïa ka Human Space Flight ba nyngkong kata ka Cosmodrome, nangta ka la ai ruh ïa ka Connection na ka bynta ka ri Uzbekistan, da kaba pynpaw ïa ka khana jong ka ri ba pawnam ka Samarkand, bad Jordan, kaba don ïa ki jaka leit kai ba itynnad kum ka Dead Sea bad Petra, bad kine ki ri ki dei ki ri bun bha ki nong India ki leit kai bad ki dei ki jaka leitkai ba pawnam bha hapdeng ki nong India.
Ki nongpyndonkam ïa ka Vi Postpaid ki lah ban jied na bun jait ki Roaming Pack kiba kynthup ïa kito kiba tang 24 kynta, ka Pack ba 10 sngi, ka Pack ba 14 sngi, ba ka Pack ba 30 sngi na ka bynta ba kin ïai bteng ban pynïasoh ïa ki bad ka Network haba ki leit jingleit shabar ri. Ka Vi ka don ruh ïa ka bynta treikam ba la tip kum ka ‘ALWAYS ON’ kaba ïada ïa ki nongpyndonkam ban lait na ka jingshah ot pisa kaba heh na ka bynta ka International Roaming Charges lada pyndonkam ïa ka hadien ba ka Pack jong ki ka la lut ka jingtreikam.
Ka Vi ka trei radbah ban wanrah ïa ka International Roaming Pack kaba biang tam na ka bynta ka jingdonkam jong man la i nongleit jingleit. Dang shen, ka Vi ka la wanrah ïa ka Postpaid Roaming Packs na ka bynta ka ri Azerbaijan bad ki katto katne ki ri ha African ruh kumjuh. Da kaba pyntikna ba kin long kiba biang ka dor bad kaba suk ban ïoh, ki nongpyndonkam ïa ka Vi Roaming pack kin ïoh ïa ka minit kaba biang haba ki Phone, kin ïoh ruh ïa ka data kaba biang, bad SMS, kaba pynsuk bad duna dor khnang ba kin nongleit jingleit kin lah ban pynïasoh ïalade ha shi lynter ka jingleit jong ki bad ha kajuh ka por kin ïoh ïa ka jingsnewtynnad haba ki leit wad ïa kiei kiei kiba thymmai bad ïoh mad ïa kiei kiei kiba pher.
