Felicia suja
College of Agriculture, Kyrdemkulai
Ka jingtip ïa ka rep ka riang la ïathuh ha ngi ba ka sdang naduh ki spah snem mynshuwa jong u longshuwa mynshuwa, u ïohi ba ki symbai jong ki hiut ba u bam ban wanrah sha ka jaka shong ka jong u. Ki mih kum u jingthung ba thymmai ha ka khyndew ha ki aïom bad samoi kaba biang. Kine ki symboh symbai, ym tang ba ki pynmih ki jingthung kiba thymmai, hynrei ki pynmih ruh sa ki symbai kiba lah ban bam ynda u jingthung u ïaw bha.
Khnang ba u briew un im suki im saiñ ha kane ka pyrthei, u donkam la kumno-kumno ïa ka bam ka dih kaba biang, ka phong ka kup kaba biang bad ka ïing ka sem ruh kaba biang. Ka jingrep namarkatta ka long kawei kaba u briew u dei ban leh ha kane ka pyrthei mynta ha kaba ki nongshong- shnong ki nangroi stet katne-katne, ka jingrep ka long shisha ka jingtrei kaba u briew u dei ban trei khnang ba ngin sngewthuh shaphang ka rep ka riang, ka donkam ïa ngi ban tip bad ban sngewthuh katto-katne ïa ki bynta jong u jingthung bad ïa ka jingtrei kam jong u jingthung, ngi dei ban kynmaw, u long u jingthaw uba im bad jingtrei jong u ruh ka long kaba phylla katta-katta.
U jingthung u long tang ma u uba lah ban shna jingbam dalade ïalade, u briew lane u mrad, ki sim ki doh ki khñiang bad kiwei kiwei de kim lah ban leh ïa kata, u briew u ïoh ïa ka jingbam ka jong u da kaba bam ïa ki mrad, ki sim ki doh ki khñiang, lane ki jingthung ba ngi thung, ki mrad ki mreng bad ki sim ki doh ruh ki long kum ki briew ki donkam ïa ka jingbam. Hynrei u jingthung u shna hi ïa ka bam na ka lyer bad ki katto- katne ki met tynrai kiba ïoh na ka khyndew, bad na ka um kaba ki ring na khyndew.
Kumta ka rep ka riang ka long kum u shyieng budlum ïa ngi ki bynriew. Kane ka long kawei kaba la shu ïathuh pateng naduh ki mynhyndai haduh mynta.
