![U Nongsaiñ Hima - Khubor Khasi](https://unongsainhima.com/wp-content/uploads/2023/02/splash-screen-720x405.webp)
Bertina Lyngdoh
U briew u dei uba im bad shaniah ha ki mrad ki mreng kiba long ki jingthaw ba im bad ba kyrpang ka meimariang. Wat la ki mrad ba bun hi ki im bad shakri ïa u briew, hynrei ka jinglong hok bad shida jong ki ka kham sngur ban ïa kaba long u briew. Lada ngi nang lei ban ieit ïa ki, katta lei ki nang shakri hok ïa la u kynrad. Don lei kiba kham ieit ïa ki mrad, palat ban ïa kaba ki ieit ïa ka mynsiem briew. Ki mrad ki mreng pat kiba im ha ki khlaw ki btap, ki dieng ki siej, ki im khlem u kynrad, hynrei ka jingim jong ki ka long tang da ka spah mariang. Wat la ki im tang da ka spah mariang, hynrei ki long ki jingmyntoi ïa u briew. To ngin sngewthuh kiei kita ki jingmyntoi.
Kum u briew, bunsien ngi shaniah ïa ki jingmyntoi jongki na ki mrad. ki mrad la kumba ong noh, ki im bad long la kum ki shakri jongki. Kum ka nuksa, u syiar, u sniang, u blang, u masi, ki dei kita kiba ngi ri hala ïing la sem naba ki long ki jingmyntoi ïa ngi. Kum u hati, u skei, u khla, bad kiwei kiwei, kiba long ki mrad khlaw ki ruh ki don la ki jingmyntoi iangi. Ban shu kren kyllum, kine ki mrad ki ai jingmyntoi ïa u briew kata ha kaba ïa dei khamtam ha ka jingpynmih pisa. Haba ïa kren bad ka jingpynmih pisa, kata ka mut, ba kum u syiar u sniang, u ai sboh ban thung ïaki jhur ki jhep, bad kum u blang u masi pat, ki ai ka dud kaba long ka koit ka khiah u briew. kum u khla, u skei u langbrot pat, ki ai ïaki jingmyntoi jong ki sha ki briew da ki jaiñphong syaid ne ki bek. U hati, uba long u mrad khlaw uba heh bha, ba ïa ki bniat jong u la pyndonkam ban shna dawai piles ïa kumba la ong ha ka ktien nongwei. Kumta keiñ u briew u im ha ki, bad ba pynmih pisa na ki. Da katne ki bapli kila shakri ïa ngi, katba ngi pat ki briew, ngi leh bym salia bym suitngiew ïa ka jingim jong ki. Nalor ba ki ai jingmyntoi ïa ngi, ngi pat khlem salia ngi pyniap bad bam doh ïa ki. Namar kane, keiñ, ki mrad khlaw lei ki la duna bad duhjait.Ynda kumne pat, u briew u sa sdang duh ki jingmyntoi na ki.
Namarkata, to ngin long kiba sngewlem ïa ki jingmyntoi jong ki. Pynim ïa ki ban nang im lem ma ngi. Ai ba ka jingim jong ki kan roi, khnang ba ka jingdonkam jongngi ruh kan ym duh. Kheiñ ïaki kum ki paralok bajan tam jong ngi. Kumba briew u im, ai u mrad ruh un im ha pneh ka mei mariang.