Imphal, Naitung:
Ka Dorbar kaba hynriew jong ka Manipur Legislative Assembly kaba 12 kan sa sdang naduh ka 31 tarik, Naitung haduh ka 12 tarik, Nailar bad kan treikam da khyndai sngi ki sngi treikam, la ïathuh ka Business Advisory Committee (BAC) jong ka State Assembly.
Kan don ruh ka jingshong dorbar ha ka 1, 2, 5, 6, 7, 8, 9, bad 12 tarik u Nailar, kane ka long katkum ba la buh sngi ha ka Calendar ba la pynmih da u Secretary jong ka Manipur Legislative Assembly u K Meghajit. Ha ka sngi sdang jong ka dorbar, yn wanrah ha ka miej ïakren ïa ka Demands for Excess Grants 2018-19, Budget Estimates 2024-25, bad ka jingpyntreikam jong ka kheiñ ka diah na ka bynta ka mang tyngka kaba shipor ha u 2024. Nalor kane, kan don ruh ka jingïakren halor ka jingai khublei ïa ka jingkren jong u Lat.
Katba ki dkhot jong ka seng Congress na ka liang pyrshah ha ka jylla ki la pynpaw ba kane ka dorbar kan long kaba pynïakynduh mawsiang ha ka jingïadei bad ki jingeh kiba mih ha ka jylla. Ka liang pyrshah ka dang ïaid shakhmat na ka bynta ka jingpynkhreh ban wanrah ïa ki mat bapher bapher ha ki por ba pynlong ïa ka dorbar.
Ka jylla ka ïaid lyngba shibun ki jingeh kiba la mih na ka jingïapher jingmut bad ki jingïakynad hapdeng ar tylli ki kynhun kiba la ïapynibor markylliang ha kine ki 14 bnai ba la leit ha kaba ka la shim ïa ka jingim jong 230 ngut ki briew.
