Nongstoiñ, Naitung 24
Ka jingïai bteng jong ka Khasi Students’ Union (KSU) West Khasi Hills District Unit ban khynra ïa ki bar jylla ki bym biang ïa ki kot ki sla, ka la pynlong ïa ki bar jylla ba kin sdang ban wan rung sa ha ka por miet por ïong.
Ïa kane la pyntikna da ki nongïalam ka KSU ha kaba la ong ba ha ka shiteng synñia jong ka 23 tarik mynta u bnai ha ka por 2 baje eiei, ka KSU West Khasi Hills ha ka jingïalam u samla Franklin Syiemïong kum u General Secretary, ka la ïoh ban bat ïa 23 ngut ki bar jylla kiba wan rung beaiñ da kaba shim kabu ïa ka miet ka ïong.
Kumta na ka liang ka seng mardor ka la phah leit phai noh ïa ki na ka jaka ba ki wan namar ba kim don ki kot ki sla katkum ka Inter State Migrant and Workmen Act 1979.
Ki nongïalam ka KSU ki la ïathuh ruh ba kitei ki bar jylla ki ïaid lyngba na ka khyrdop Infiltration kaba don ha Athiabari bad ka KSU ka la ïoh ban bat ha Urkali.
Shuh shuh haba ki nongïalam ka seng ki la tohkit ki wan leh aïu shane, kim ïa tip bad ka jubab na ki bar jylla kam shai nalor ki kot ki sla ruh kim don. Kumta na ka liang ka seng ka shu phah leit phai beit sha ka jaka ba ki wan.
