Shillong, Naitung 24
Ka kynhun ïalehkai karate ka Jylla hapoh ka lama jong ka All Meghalaya Karate-Do Association (AMKA) ka la mih na ka nongbah ban leit shim bynta ha ka 8th International Karate Championship – Indian Challenger Cup ka ban long ha Netaji Indoor Stadium, Kolkata naduh 26 haduh 28 tarik mynta u bnai.
Kane ka kynhun kaba don 20 ngut ki khynnah hapoh ka jingïalam ka Ester Mary Lyngdoh bad u Pynhunlang Kharbuli, ka la mih na kane ka nongbah ha ka sngi Ba-ar.
Kine ki khynnah ki kynthup ïa ka Lapyntngen Mary Lamin (Girls Individual Kumite 12 Years -35 Kg), Iwannaki L. Khongji (Girls Individual Kumite Cadet -42 Kg), Rupaly Deka (Girls Individual Kumite Cadet -47 Kg), Sinalin Marngar (Girls Individual Kumite Cadet -47 Kg), Phidaïakashisha Lyngdoh (Girls Individual Kumite Cadet -54 Kg), Feliza Hujion (Girls Individual Kumite Cadet -54 Kg), Cathy Sweety Nongrum (Girls Individual Kumite Junior -42 Kg), Sandameka V. Langstieh (Girls Individual Kumite Junior -48 Kg), Daïarisa Nongrum (Girls Individual Kumite Junior -53 Kg), Clareenda Lyngdoh (Girls Individual Kumite Junior -59 Kg), Phindasumarlin Rani (Individual Kumite Women -45 Kg), Saphisha Lyngkhoi (Individual Kumite Women -50 Kg), Carenia Rapthap (Individual Kumite Women -61 Kg). Ha ka liang ki shynrang ki kynthup ïa u Aibor Jyrwa (Boys Individual Kumite 12 Years -40 Kg), Nongpoknganba T. Kharmawphlang (Boys Individual Kumite 13 Years -40 Kg), Ferrando Wanñiang (Boys Individual Kumite 13 Years -45 Kg), Hashuwabor Jaktung (Boys Individual Kumite Cadet -52 Kg), Wilson Mylliempdah (Individual Kumite Men -50 Kg), Glikerius Buhphang (Individual Kumite Men -55 Kg) bad u Ïohbor Mylliempdah (Individual Kumite Men -67 Kg).
Na ka liang ka synjuk ka la ai jingkitbok kitriwiang ïa kane ka kynhun ba kan ïalehkai bha ha katei ka lympung na ka bynta ban wanrah burom ïa ka Jylla hi baroh kawei.
