Shillong, Naitung 24
Ka lympung ïalehkai SRGT Third Division Football League Tournament 2025 ban pynïaid da ka Shillong Sports Association kan sdang naduh mynta ka sngi Palei ha SSA Stadium kaba ha First Ground, Polo.
Ha kane ka lympung ki don 21 tylli ki kynhun ba la phiah sha saw tylli ki group. Ki kynhun kiba don ha ka Group-A ki long ka Kharang, Nongumlong, Lapalang, Nongmynsong, Mawryngkneng bad ka Pomlakrai. Ha ka Group-B ki long ka Ïaityllilang, Umlyngka, Krang, Lumparing bad ka Mawpat. Ha ka Group-C ki long ka Mawkriah West, Umpling, Lawmali, Lumdiengjri bd ka Gorkha Association. Haba phai sha ka Group-D ki kynthup ïa ka Lamlyngti (Madanlyngkhi), Mawshbuit, Sanmer, Tynring bad ka Rynjah.
Ka jingïakhun ha kane ka sngi sdang kan long hapdeng ka Kharang pyrshah ïa ka Nongumlong ha ka por 4 baje, katba ha ka sngi Thohdieng ka Lapalang kan ïakynduh pyrshah ïa ka Nongmynsong.
