Jowai, Naitung 25
Ka lympung ïalehkai 4th Adelbert Laloo Memorial Trophy-3rd Division Football Tournament ba la pynïaid da ka West Jaiñtia District Sports Association (WJDSA) ka la nangjam shaphrang ha Kiang Nangbah Stadium, Jowai.
Ha ka jingïakhun kaba la long ha ka sngi Palei, ka Mookaswan Dongwah ka la pynliem ïa ka Mooknor Nangbah da 3-1 kol. Kane ka la wan urlong lyngba u Patric Ryngkhlem uba la thep ha ka minit kaba 14, kumjuh u Khel Shylla (60) bad u Kermi Shylla (67). Katba ïa ka kol jong ka Mooknor Nangbah la thep da u Pynshngaiñ Hinge (17).
Ha ka jingïalehkai kaba bud, ka Loompyrdi Ïongpiah ka la pynliem noh ïa ka Nangbah Khloopano da 2-0 kol. Ïa kine la thep da u Turweinam Lakiang ha ka minit kaba 27 bad Khroo Laloo ha ka minit ba 57.
Ha kawei pat ka jingïalehkai, ka Newhill ka la pynliem noh ïa ka Pamanik da 3-0 kol. U Hamedamanbha Thma u la thep ar kol ha ka minit kaba 13 & 39 bad u Fabian Gatphoh ha ka minit ba 52.
Haba phai sha kawei pat ka jingïakhun ba khatduh, ka Madan Thadmuthlong ka la pynliem noh ïa ka Kseh Sylle Ïalong lyngba ka shi kol ba la thep da u Heibormi Suchiang ha ka minit kaba 49.
