![U Nongsaiñ Hima - Khubor Khasi](https://unongsainhima.com/wp-content/uploads/2023/02/splash-screen-720x405.webp)
Shillong, Naitung 25
Ki pulit ka West Khasi Hills ha ka Sngi Palei ki la pyntip ba ki la don arngut ki khynnah kiba la jah bad ki dei kiba shong ba sah ha ka shnong Tiehsaw, Nongstoiñ. Hynrei ha kane hi ka sngi, ki pulit ki la ïathuh ba la lap noh ïa kine ki arngut na ka shnong Sohpian.
Ha ka jingpyllait ïa ka jingpynbna ïar ha Facebook, ki pulit ka West Khasi Hills ki la ong ba kitei ki khynnah kiba la jah ki dei kiba dang 11 snem ka rta.
Ki pulit ki la ong ruh ba ïa kitei ki arngut ki khynnah la ïohi khatduh mynta ka sngi ha ka por 4:30 mynstep ha ka por ba ki ïaid kjat mynstep ha Tiehsaw.
Mynta ka miet, na ka liang u SP ka West Khasi Hills u la pyntip ba ïa kitei ki khynnah la ïoh na ka shnong Sohpian da ka kynhun pulit kaba la thwet ïa ki.
Haduh ba thoh ïa kane ka khubor, ïa kitei ki arngut ki khynnah la ïalam noh da ki pulit sha Hospital na ka bynta ban phah beit bniah ïa ka jinglong-jingman ha ka koit ka khiah jong ki.