Shillong, Naitung 25
Ka long ka sien kaba nyngkong eh ïa ka Jylla hi baroh kawei naba u nonghikai ka St. Edmund College u Dr. Sagid Nagi u la khur ïa ka takma ksiar ha ka jingïakob rah nar ba la tip kum ka National Master Equipped and Classic Power Lifting Championship 2024.
Une u Professor uba hikai ha ka sobjek Computer Science u dei ba la 60 snem ka rta. U la khur ïa katei ka takma ha ka jingïakob jong ka jingkhia 74 kilo.
Ïa katei ka jingïakob la pynïaid da Power Lifting India ha Indore, Madhya Pradesh naduh ka 21 haduh 26 tarik mynta u bnai Naitung 2024.
Na ka liang ka Meghalaya Powerlifting and Fitness Association ka la phah ïa arngut ki nongrah ra,r u Borthakur Shantanu ha ka Master 1 category uba la wan ha ka kyrdan hynriew bad u Dr. Sagid Nagi ha ka 74 kila jong ka Men Master 3 bad khur artad ïa ka takma ksiar.
Kumta na liang kane ka synjuk lyngba u Bah Frankie Nongrum, General Secretary ka MP&FA u la pynpaw na ka liang ka synjuk ka la ai khublei halor ka jingtrei shitom jong utei u nonghikai ban wanrah nam bad burom ïa ka Jylla hi baroh kawei.
