Shillong, Naitung 25
U rangialehkai shakhmat ka Manchester United, u Rasmus Hojlund un phong da ka jersey kaba thymmai naduh ka aiom ïalehkai ka ban wan.
Une u rangïalehkai shakhmat ka Denmark un sa phong da ka jersey nombor 9 ha ka samoi ïalehkai 2024-25 ban wan na ka bynta kane ka kynhun kaba na Old Trafford. Naduh ba u la mih noh na ka Atalanta ha ka aiom ba la lah, u Hojlund u la ïoh ban phong da ka jersey nombor 11 ha kane ka klob na Old Trafford.
Ka klob ka la pynpaw pyrthei ïa une u rangïa-lehkai u ban phong ïa ka jersey kaba 9 lyngba ka rynsan social media da kaba pynpaw, “La pyn-khreh ban ïalam ha kane ka jingïaid lynti.”
Ha katei ka dur, la ïohi ïa u Hojlund ba u pyni dur ha ka jain jong ka aïom kaba thymmai bad ka kyntien “hynñiew” ba la thoh da ki dak kiba heh. Ïa kane ka jingkylla lah ban ïohi kum ka jingpyntip ba kano ka nombor ba yn ai ïa u Joshua Zirkzee uba la soi thymmai. Katba u Marcus Rashford un dang-ïai bteng ban phong ïa ka jersy nombor 10.
U Erik ten Hag, u nong -ïalam ka Manchester United, u lah ban pynïalehkai haduh saw ngut ki rangïalehkai ha ka bynta kaba shakhmat ha kane ka aïom ïalehkai. U Hojlund un ïalehkai kum u rang-ïalehkai marwei, u Alejan -dro Garnacho bad u Rashford ki lah ban ïaleh-kai ha ki bynta kiba sha-kynriang jong ka madan. U Joshua Zirkzee, uba mihkhmat ïa ka Nether-lands ha ka Euro 2024, lah ban pyndonkam kum u nongïalehkai ba-ar, u ban ïarap na ka bynta u Hojlund.
Hadien ba la pynbna ïa ka jersey nombor 9, ka Manchester United ka la buh hapoh Instagram na ka bynta ban pynpaw pyrthei ïa utei u khlur ïalehkai shakhmat. Shwa ia u Rasmus Hojlund, ïa kane ka jersey la phong da u Anthony Martial, uba la ïakhlad lok noh na ka United hadien ba la kut ka jingïateh jong u.
Utei u rangïalehkai sha -khmat ba dang 28 snem ka rta na France u la pynlut ïa ki khyndai tylli ki aïom ha ka Manchester. Hashwa ïa u Martial, bun ki rangïalehkai ba pawnam, kynthup ïa u Bobby Charlton, u Andy Cole, u Dimitar Berbatov, bad u Zlatan Ibrahimovic, ki ju phong ïoh ban phong ïa ka jersey nombor 9 jong ka United. Mynta la pyn-khamti noh ha u Hojlund ïa ka jingkitkhlieh ban pynneh ïa ka pateng.
Ka Manchester United ka la lah ban pyndep ha ka ban soi ïa katto katne ngut ki khlur ïalehkai ha kane ka aïom lyiur. U Zirkzee, u la wan rung sha kane ka klob na Bologna, ha kaba u la mynjur ïa ka soskular san snem kaba shongdor haduh £35 million, ka jingsiew kaba kham heh khyndiat ban ïa ka kyndon pyllait jong u.
Ka Manchester United ka la ïoh ruh ïa ka jingsoi ïa u rangïalehkai ba phylla jong ka France u Leny Yoro na ka Lille. Utei u rangïalehkai ba dang 18 snem ka rta u lah ban don ka jingïadei bad u Mat-thijs de Ligt, uba don ka jingïadei kaba jur bha ban leit sha ka Old Trafford. U Yoro u la dep ïalehkai nyngkong eh na ka bynta ka kynhun ïalehkai jong ka Premier League, ha kaba u la ïakhun ha ka jingïakhun paralok shwa ka samoi ïalehkai pyrshah ïa ka Rangers, ha kaba ka kynhun jong u ka la jop da 2-0 kol.
