Shillong, Naitung 26
Ki ar kol ba la thep da u Banhunlang Marbaniang ka la biang pura ïa ka Nongmynsong ban pynliem noh ïa ka Lapalang SC da 3-1 kol na ka bynta ban ïoh jingjop ha ka lympung ïalehkai Third Division.
Ha kane ka jingïakhun jong ka Group-A kaba la long ha ka sngi Thohdieng ha SSA Stadium Polo, ka Nongmynsong ka la ïakhun tyngeh bad tang mar ïasdang ka la ïoh ban pynkhih jar lyngba u Batskhem Jyrwa ha ka minit kaba 9.
Kane ka kynhun ka la pynbud biang ïa ka kol ba ar lyngba u Banhunlang (13 ). Une u rangïalehkai u la pynbud biang ïa ka kol ba-ar ha ka minit kaba 60.
Wat la ka Lapalang ka la shah tam haduh lai kol, hynrei ka la lah ban pynphai kylla shi kol lyngba u Sonjalen Haokip (78).
