Shillong, Naitung 26
Kawei ka longkmie kaba la 44 snem ka rta, ka la ujor da kaba kynnoh ba ha ka 19 tarik Naitung ha ka por kumba 9 baje mynmiet, lai ngut ki briew ki la thmu ban batbor bad pynïap ïa ka ha kawei ka jaka kaba don ha East Garo Hills.
Katkum ka khubor ba la ïohlum ha ka Sngi Thohdieng lyngba ka ‘Website’ jong ki pulit ka jylla, la ong ba katei ka longkmie ka la ai ïa ki kyrteng jong ki lai ngut kiba ka la kynnoh kumtei, bad kine ki lai ngut ki dei kiba la tip kyrteng kum u Chenang Momin, 26 snem ka rta, u Walsim Shira, 27 snem ka rta bad u Pote Marak, 33 snem ka rta. Ha kajuh ka por, katei ka longkmie ka la kynnoh ba kitei ki lai ngut ki la byrngem-byrsit ruh ïa u khun jong ka uba la don 21 snem ka rta.
