Shillong, Naitung:
Ka tnat Development of North Eastern Region (DoNER) ka dang pyntrei shibun ki skhim bad ki song jingïarap (packages) ha ka thaiñ Shatei Lam Mihngi, kynthup ïa ki song ba kyrpang (special packages) kiba dei ïa ka Assam.
Kine ki kynthup ïa ka North East Special Infrastructure Development Scheme-Roads (NESIDS-Road), nalor ki song ba kyrpang (Special Packages) ha Assam ïa ka Bodoland Territorial Council (BTC), Dima Hasao Autonomous Territorial Council (DHATC) bad Karbi Anglong Autonomous Territorial Council (KAATC) nalor ki skhim lyngba ka North Eastern Council (NEC) na ka bynta ka jingroi jingkiew ka Thaiñ Shatei Lam Mihngi kiba la mang kum ka surok bad transport.
Hapoh jong kine ki skhim pynroi naduh ba sdang, la ong ba ki la don 1,980 tylli ki projek kiba la kot sha ka T. 23,240.78 klur, kynthup ki projek kiba dei na ka bynta ki jingpynïasoh.
Ïa kine ki jingtip la ai da u Myntri Khynnah uba peit ïa ka tnat DoNER, u Dr Sukanta Majumdar ha ka jubab ïa ka jingkylli ha Ïingdorbar Lok Sabha ha ka Sngi Balang.
