Jowai, Naitung 28
Kum shi bynta ban kyntiew ïa ka sap ka phong jong ki samla bad ka kolshor jong ki nong Jaiñtia, ki ‘riew donsap ha ka kam shna phlim ha ka 27 tarik Naitung ki la thaw ïa ka Seng All Jaiñtia Film, Music & Art’s Association (AJFM&AA).
Ka thong kaba kongsan jong kane ka seng ka long ruh ban pynneh pynsah kyrpang ïa ka ktien ka thylliej bad ka kolshor jong ki nong Jaiñtia lyngba ki phlim bad ki jingrwai na ka bynta ka pateng ban wan.
Ki nongïalam jong kane ka seng ki long u President – Arwotki Sumer, Vice-President – Hamran Shylla, General Secretary – Ebormi Muksor, Joint Secretary – Daoo hi paia Toi bad E. Manbha Kynjiñ, Publicity Secretary – Careme Phawa, Finance Secretary – Marboon Laloo, Auditorial Board – Erick Lamare, Sunday Salahe bad Dauru Laoo bad 15 ngut ki Executive Member ki ban kyrshan ïa ka jingtre kam jong ka seng.
