Jowai, Naitung 28
Ka Dorbar kyrpang jong ki Waheh Kur Ka Ri Jaiñtia kaba la long ha Ïungwalieh ka Dorbar shnong Chilliangraij ha ka Sngi Saitjaiñ ka la rai ban dawa na u Myntri Rangbahduh ka ri India bad Myntri Rangbah ka Sorkar Jylla ban pynduh noh ïa ka kyntien ‘Synteng’ bad ïa ka jaidbynriew Kuki, Zo na ka ST Order 1950.
Ïa kane ka rai la shim ha ka jingdonlang ki seng Kur bapher-bapher jong ka ri Jaiñtia, ki nongmihkhhmat na ki Synjuk ki Rangbah Kur ka thaiñ Ri-Bhoi kumjuh na Khasi.
La donlang ruh u Bah Erwin Khnong Sutnga uwei na ki nongsaid aiñ ka Jylla, u Bah R.L. Kharpran, Acting Presi-dent SRKBH Sengkmie, Shillong, u Bah Aristotle Lyngdoh, General Se-cretary SRKBH Seng-kmie, Shillong bad kiwei.
Ha kaba ïadei bad ka Scheduled Tribe Certi-ficate, la ong ba ka JHADC ka dei ban ithuh noh ïa ki Waheh Kur ba la jied na ka Dorbar Kur, kiba lah ban ai ïa ka ‘Clan Certificate’ ne NOC ïa kiba pan syrnot ST khnang ba ki ïing treikam jong ki Deputy Commissioner ba don ha East bad West Jaiñtia Hills District kin lah ban ai syrnot ST ne NOC ST tang ïa kito kiba ai jait sha ka Kmie.
Ha ka dorbar la rai ruh ban dawa na u Myntri Rangbahduh ka Sorkar India lyngba u CEM-JHADC bad na u Myntri Rangbah ka Sorkar Jylla ban pynduh noh ïa ka kyntien ‘Synteng’ kumjuh ïa kata ka jaidbynriew Kuki, Zo na ka ST Order 1950.
