Kohima, Naitung:
Kum shi bynta ban pynpaw ïa ka jingnang jur jong ka jingshah ktah sawdong-sawkun ha ka mei mariang na ka jingpyndonkam ïa ki plastic, u Lat jong ka Nagaland u la pynbna ban khang shisyndon ban pyndonkam ïa ki tiar plastik naduh ka 1 tarik, Nailar, 2024.
Kane ka la long hadien ka jingïalang jong ka Special Task Force (STF) ha ka 20 tarik, Jylliew, 2024, kaba la don jingthmu na ka bynta ka jingshah ktah jong ki sawdong-sawkun na ka daw jong ka jingpyndonkam ïa ki plastik.
Ki la don ar tylli ki bynta kiba kongsan ha kaba ïadei bad ka jingkhang ban pyndonkam ïa ki plastik, kaba kynthup ïa ki pla plastik bad ki bitor plastik. Ki jaka kiba shah khang pyrshah ban pyndonkam ïa ki plastik, ki kynthup ïa baroh ki jaka pule bad ki jaka ïadie ïathied, kumjuh ki jaka kiba kynthup ïa ki jaka treikam, ki Hotel, ki dukan, ki jaka bam, ki jaka leh niam bad kiwei pat ki karkhana bad kumjuh ki Hall, kine ki la shah khang pyrshah ban pyndonkam ïa ki plastik.
Lada lap ba don kino kino kiba pynkheiñ ïa ki kyndon kin sa shah daiñ kuna da T. 10,000 na ka bynta ka jingpynkheiñ ha ka bynta kaba nyngkong, T. 20,000 na ka bynta ka sien kaba ar bad ai jingbit ban pynsangeh treikam lada lap ïa kine ki jaka ba ki dang bteng ban pynkheiñ ïa ki kyndon.
