Shillong, Naitung 29
Kawei ka kali Gypsy kaba dei jong ka sorkar ka la ingkhong khait hadien ba ka la shah thang dusmon ha ki runar ki bym lah ban tip ki dei kiei kaba la jia ha ka thaiñ Nongmensong.
Katkum ka khubor kaba la ïoh lum, la ong ba kane ka kali Gypsy kaba don ïa u number ML01-5989 ka dei jong ka tnat Public Works Department (PWD). Ka jingshah thang jong kane ka kali ka la jia ha ka por dang step kumba 3 baje eiei.
Ka jingshah thang jong kane ka kali ka dei hajan jong ka Ïing Dak ha Nongmensong, Umkdait. Kat ban poi ka kali pynlip ding ki pulit, kane ka kali kaba la shah thang, ka la ingkhong khait bad julor bun.
Na ka liang ki pulit haba ïa dei bad kane ka jingjia ki la dep ban pynrung mukotduma bad mynta ka jingtohkit ka la ïaid shakhmat ban thwet bad kem ïa ki briew kiba donkti ha kane ka kam.
