Jowai, Naitung 29
Ka Phramer bad Chyrmang Wah ki la ïoh jingjop katba ka Lumpyrtuh Mihmyntdu-West Madan Mustem bad Saiñdur Mihmyntdu-Royal Pole Mihmyntdu ki la ïakhaid ha ka lympung ïalehkai 4th Adelbert Laloo Memorial Trophy-3rd Division Football Tournament.
Ha kane ka lympung ba la pynïaid da ka West Jaiñtia District Sports Association (WJDSA) ha madan Kiang Nangbah Stadium, Jowai ha ka lah sngi U Blei, ka Phramer ka la pynliem noh ïa ka Catholic Youth Mihmyntdu lyngba ka shi kol ba la thep da u Chanborlang Khyriem ha ka minit kaba 54.
Kumjuh ha kane kajuh hi ka sngi, ka Chyrmang Wah ka la pynliem noh ïa ka Nangbah Pohshnong da 3-0 kol. Ïa kine ki kol la thep da u Shynna Khlem ha ka minit kaba 16, u Apsar Khlem (43) bad u Arkiru Bang ha ka minit kaba 59.
Haba phai sha kawei pat ka jingïalehkai kaba la long kham hashwa hapdeng ka Lumpyrtuh Mihmyntdu pyrshah ïa ka West Madan Mustem, ka Saiñdur Mihmyntdu pyrshah ïa ka Royal Pole Mihmyntdu ki la ïasam mar shi point hadien ba kim shym la lah ban pynkhih jar.
