Guwahati, Naitung:
U Myntri Rangbah jong ka Assam u Himanta Biswa Sarma u la ong ha ka Sngi U Blei ka la don ka jingïoh kurup ïa shibun u drok, uba kynthup ïa u kuli Yaba ba shong dor `. 9 klur, bad uwei u nongkhaïi drok na Cachar distrik jong ka Assam.
“Haba la ïoh jingtip na ki kynhun wadbniah, ki pulit jong ka Cachar ki la pynlong ïa ka jingleit khynra kaba kyrpang ha Kathakal ha ka Sngi U Blei, ha kaba ki la kem noh ïa u nongkhaïi ha ryngkat 30,000 tylli ki kuli Yaba, ” u la ong ha ka jingphah khubor ha ka rynsan X.
Ïa ka kali ar shaka ba la pyndonkam ha ka ban kit ïa u drok la kurup noh, la ong u Sarma “Kumba la antad la ong ba ka dor jong u drok ba la khaïi beaiñ ka la kot sha ka `. 9 klur,” u la bynrap.
U Myntri Rangbah u la ai ka jingïaroh halor kane ka jingtrei shitom jong ki pulit ka Assam halor ka jingthmu ban pyllait ïa ka jylla na u drok. Nalor kane ha kaba ïadei bad kawei pat ka jingjia, ki pulit jong ka Jalandhar Commissionerate ki la pyntroiñ ïa ka kynhun jong ki nongkhaïi drok ha kaba ki la kem ïa 9 ngut ki briew na kiba bun ki jaka bad kurup ruh da palat 1.11 lak ki dawai kuli, ki Capsule, bad kiwei pat ki jait dawai haba la khmih bniah na kine kiba la shahkem, la ïathuh ka tyllong khubor.
Ka la don ka jingujor ejahar pyrshah ïa kine kiba la shah kynnoh bad ka jingtohkit ka dang ïai bteng, la ïathuh ki pulit.
