Shillong, Naitung 29
Ka lympung ïalehkai 8th East Khasi Hills District Open Badminton Championship 2024 ba la pyniaid da ka East Khasi Hills District Badminton Association ka la poi sha kaba kut ha ka 27 tarik mynta u bnai Indoor Hall jong ka JN Stadium, Polo.
Ha kane ka lympung kaba la sdang naduh 25 tarik, ki la don haduh 124 ngut ki nongwan ïashim bynta kiba la mih madan ban ïakhun ha la ki jong ki kyrdan ïalehkai bapher bapher naduh ka Under-13 Years (boys and girls) – Singles, Under-15 years (boys and girls) – Singles and doubles, Under-17 Years (boys and girls) – Singles and doubles, Under -19 Years (boys and girls) – Singles, doubles and Mixed Doubles, Seniors (Men & Women) – Singles and doubles and Mixed Doubles.
Ka jingthmu ha lyndet ka jingpynlong ïa kane ka jingïakob ka long ban sei madan ïa ki sap ba rieh jong ki khynnah, kaba ha kane ka kynti ka jingïakob hi ka da long kaba seisoh da ka jingwan shim bynta bun ngut ki nongïalehkai, katno tam lei lei na ki kynnah kiba dangrit, kiba la minot bad trei shitom bha ha kane ka kynti kaba mynta.
Ha katei ka sngi pynkut ïa kane ka lympung la ïadon lang ka Kong Pandora Rapsang kaba bat kum ka President jong ka EKHDBA bad la plie ïa u Dr C.O Rangad uba dei u senior vice president ka MSBA bad nongaibuit ka EKHDBA.
Katba u kongsan uba la wan ban don lang ha katei ka sngi pynkut u long u Dr W.R Kharshiing bad ïa ka jingïalang la pynïaid ïa ka da Bah K. Pyrtuh lem bad ki dkhot jong ka EKHDBA bad jong ka MSBA.
Ha ka kyrdan ïakop jong ka U-13 Girl’s Singles la khur da ka Asem Chanu Shivani, ba-ar ka Lateisha Nongtraw. Ha ka U-13 Boys Singles, la khur da u Haegan Diengdoh bad ba-ar u Vivaan Thapa. Ha ka U-15 Girls Singles, la jop da ka Inriti Nongtraw bad ba-ar ka Anjalee Sharma. Ha ka U-15 Girls Doubles la jop da ka Inriti Nongtraw & Lateisha Nongtraw, katba ïa ka kyrdan la khur da ka Rhema G Nongkhlaw & Josie Hadem.
Ha ka U-15 Boys Singles la jop da u Gavin Kharbuki bad ba-ar u Amrit Singh. Ha ka U-15 Boys Doubles, la jop da u Gavin Kharbuki & Amrit Singh, katba ïa ka kyrdan ba-ar la khur da u Haegen Diengdoh & Karlsten Diengdoh. Ha ka U-17 Girls Singles, la jop da ka Sneha Chettri bad ba-ar ka Netania T Tariang. Ha ka U-17 Boys Singles la jop da u Raynell Kharbuki bad ba-ar u Gavin Kharbuki. Ha ka U-19 Girls Singles la jop da ka Sneha Chettri bad ba-ar ka Netania T Tariang.
Ha ka U-19 Boys Singles la jop da u Raynell Kharbuki bad ba-ar u Pratham Majumdar. Ha ka Junior Mixed Doubles, la jop da u Stephan Marweiñ bad ka Sneha Chettri, katba ïa ka kyrdan ba-ar la khur da u Pratham Majumdar bad ka Carlynda Nongbri. Ha ka Women Singles la jop da Elsarica Umdor bad ba-ar ka Sejjal Joshi. Ha ka Men’s Singles la jop da u Gaurav K Singh bad ba-ar u Mewanpyntngeng Shadap. Ha ka Men’s Doubles la jop da u Stephan Marweiñ bad u Vivian W. Lalo, katba ïa ka kyrdan ba-ar la khur da u Subadonbor Pyngrope bad Porsuram Joshi. Ha ka Mixed Doubles la khur da u Gauirav K Singh bad ka Sejjal Joshi, katba ïa ka kyrdan ba-ar la khur da u Dwigbijoy Churchung bad ka Elsarica Umdor.
U Ethaneal K.D Dkhar ba dang 7 snem ka rta u la long uba dang khynnah tam uba ïashim bynta ha kane ka lympung ha ka kyrdan ïalehkai Under-13 (Boy’s Single), ha kaba u la ïoh pdiang ïa ka khusnam pisa kaba T. 1500/-. Ïa kane ka khusnam pisa la noh synñiang da u Asem Bipin Meetei.
