Tura, Naitung 29
Uwei u nongshong shnong ka Krishnai ha Goalpara, Assam, u la kyndit hadien ba ka kali shimet jong u (AS 18J 2927) ka la shah pynjulor ha ki runar ha shuwa ban ïakynad bad katto-katne ngut ki trai jong kali kamai haba ïadei bad ka jingpynïeng kali hajan Kabul Bazaar, Tura ha ka step Lah Sngi U Blei.
Utei u nongshong shnong ba la tip kyrteng kum u Lohit Nath, u dei u kontraktor hapoh PWD bad u don ha Tura hynnin ka sngi na bynta ki kam jong u.
U la pynïeng ïa ka kali jong u ha jaka pynïeng kali ha Kabul Bazaar ha katei ka miet bad sah miet pat ha ïingsah jong ka hynmen jong u.
Hynrei ha ka step kaba bud, katba u dang pyrshang ban pynim ïa ka kali, u Nath u la kynnoh ba kumba 3-4 ngut ki runar uba um lah ban pynithuh ki la pynpra ïa ka ïit ba nakhmat jong ka kali nalor ka jingpynjulor ïa kiwei-kiwei ki tiar kali. Hadien kane, u Nath u la leit mardor sha thanad Tura ban ujor halor katei ka jingjia.
Hynrei katkum ka jingïathuh u lanot, ki pulit kim shym la treh ban shimkhia halor katei ka jingjia, pynban ki la phah ïa u ban pynbiang ïa ki dur khih CCTV (jong ka jingjia) khnang ban ïoh pynngat mukotduma halor katei ka jingjia.
Hadien ka jingkyntait jong ki pulit, u Nath u la wanphai sha kali hynrei u la kyndit naba la ap sa kawei pat ka jingjia. La kynnoh ba u la shah hylla ha kumba 3-4 ngut ki nongñiah kali kamai kiba la mih na ki kali ban byrngem ïa u ban ym pynïeng ïa ka kali jong u ha katei ka jaka.
Katei ka jingjia pyrshah ïa u Nath ka la paw pyrthei hadien ba u la pynsngew halor kaei kaba la jia sha ki lad pathai khubor ka Assam. Haba la kynjoh sha u, u la batai halor kaei kaba la jia ha ryngkat ka jingkyrpad ba ki Sorkar jong baroh 2 Jylla ki dei ban ïatreilang halor ka suk ka saiñ.
Ha kawei ka liang, u SP, u Abraham Sangma mar syn ïoh jingtip halor katei ka jingjia u la pan mardor ïa ka kaiphod. U la bynrap ba la aiti ïa katei ka kam ha u ASP ban tohkit bad kular ban leh ïa kaba donkam.
U lanot hadien kane u la pyntikna ba ki pulit ka WGH ki la kynjoh ktien ïa u bad pyntikna ban leh ïa kaba donkam. La pynngat mukotduma halor kane ka jingjia.
