Shillong, Naitung 29
Ka khubor kaba la ïohlum na ki pulit ha ka Lah Sngi U Blei ka ïathuh ba uwei u nongshong shnong ha kane ka nongbah u la ujor ba ha ka 12 tarik Naitung, ka la don ka jingshah khate pisa haduh arsien na ka ‘Bank Account’ khlem ka jingtip ka shnong u la ong ba ha katei ka sngi ha ka por 7:52 bad 8:20 mynmiet, ka la don ka jingshah khate pisa arsien, kata, T. 7,734.46 bad T. 6,458.01 na ka ‘Bank Account’ khlem ka jingtip ka jong u.
Ha kawei pat ka jingjia, ki pulit ki la ong ba u Pinak Kanti Das u la ujor ba ha ka 26 tarik Naitung, ki runar ki la tuh ïa ki sainar ba shongdor T. 49,000 napoh ka BSNL Exchange kaba don ha IGP Point, Shillong.
Shuh shuh ki pulit ki la ïathuh ba ka Alolika Chakrabarty ka la ujor ba ha ka 26 tarik Naitung, ki runar ki la leit rung sha ka ïing sah jong ka ha Nongrim Hills, Shillong bad ki la tuh ïa ki jingdeng ksiar kiba shongdor kumba T. 3 lak bad ka pisa T. 15,000.
