Nongstoiñ, Naitung 30
Ka Khasi Students’ Union (KSU) Mawshynrut Circle ka la bteng ban khynra ïa ki bar jylla kiba wan trei beaiñ hapoh ki shnong ki thaw khlem da biang ne don ïa ki kot ki sla ban pynshisha ïa ka jingwan bylla.
Ka seng hapoh ka jingïalam jong u samla Ulysis Ryntong, General Secretary ha ryngkat ka jingsynran lang ki dkhot ka la leit ban khynra biang ïa ki bar jylla ba wan trei beaiñ hapoh ka thaiñ Mawshynrut.
Ka seng ha kane ka sngi ba leit khynra ka la lap ba kiba wan trei hapoh ka thaiñ kim shym la biang ïa ki labour license, work permit, ne ka jingpynshisha na ki pulit (police verification) bad wat ïa ki EPIC bad Aadhar ban pynshisha ba ki dei kita ki nong India ruh kim don.
Ka seng ha katei ka jingkhynra ka la ïoh bat ruh ïa ki bar jylla kiba die ïa ki ‘phone’ thok ha ïew Riangdo bad mar sien ïoh jingtip, ka seng ka la bat bad aiti noh sha ki pulit ban pyndep ïa ka kamram ba sah.
Kumta na ka liang ki nongïalam ka seng ki la phah leit phai mardor bad ha kajuh ka por la maham tyngeh ruh ïa ki kontraktor ha ryngkat ki ‘riewshimet ba lada ka seng kan ïai lap kam banse ban hap shim noh da ki sienjam ba kham tyngeh.
Shuh shuh ka seng ka kren shai ba kan nym shong kli-kti hynrei kan ïai peitngor ïa ka jingwan rung beaiñ ki bar jylla bad lada ka lap kan beh naphang.
