Dei na kane ka daw bun kiba ai jait Khasi ïa ki khun bar jylla na ki kpa bym dei Khasi. Kane ka wanrah ka jingtroiñ bad pynhiar dor ïa ka jaitbynriew u Khasi. Kumne keiñ ym don ba sngewthuh ïa kane ka kheiñ jait shim jait bar jylla khleh bud ïa ka dustur ka riti u Khasi. Haba kumne te ka mih keiñ sa ki khun Khasi ïa ki shynrang ne kynthei ban ai jait katba mon sha u kpa na ka kmie kumjuh ka jingbym bud ryntih ïa ka rukom kheiñ jait shim jait naduh ki phew snem ba la leit ka sa poi bad ïalam mynta bun kiba shim jait na u kpa uba dei u symbai ba ai ïa ka longkur longjait u Khasi.
Te ban ong kam bit ban shim jait na u kpa ka long tang kito kiba la shah ïalam bakla ïa ka dustur ka riti jong u Khasi. U Khasi um ju pyrkhing ban ai jait shim jait naduh mynshuwa.
Kiba bun ki kynrem ki lyndan ka jaitbynriew ki shim jait na u kpa, wat naduh mynta ruh ki don bun kiba ai jait sha u kpa lada phi wad ïa ki na ki service Book khamtam kiba trei ophis sorkar. Kumta ban ong ka long beaiñ ne long pop ban shim jait na u kpa ka long tang ka ktien lait jynhaw ha kane ka juk mynta. Ki jaitbynriew kylleng ka pyrthei ki shim jait na u kpa. Hato ka long sang ïa ki ?
C. B. Iawphniaw
