Peru, Naitung:
Katkum ki khubor la ong ba ka tnat kam bar ri jong ka Peru ha ka Lah Sngi U Blei ka la bthah ia ki nongmih khmat ka Venezuela ba ki dei ban mih noh na katei ka ri hapoh 72 kynta ba la ai por ia ki bad kane ka long hadien ba ka seng kaba synshar ha Venezuela ka la pynbna ïa ka jingjop ha ka elekshon kaba ki nongïalam liang pyrshah jong ka Venezuela bad ki nongthep vote laitluid ki khot ba kam long kaba lah ban pdiang.
Katei ka tnat ka la pynbna ïa kane ha ka byrta da kaba kdew bad kynthoh ruh ba kitei ki rai ba la shim da ka sorkar Venezuela ki long ki bym lah ban pdiang.
Ka Peru ha katei ka sngi, ka la dep kren lypa ruh ba kan nym pdiang ïa ka jingpynkheiñ ne jingïaid-lait ïa ka mon jong u paidbah ka Venezuela bad kumta la khot biang noh ruh ia u nongmihkhmat jong ka.
