Jowai, Naitung 31
Ka lympung ïalehkai jong khynnah shynrang Under-17 Football Tournament kaba tip kum ka Independence Day Cup ba la pynïaid da ka West Jaiñtia District Sports Association (WJDSA) kan sdang mynta ka Sngi Palei ha madan Kiang Nangbah Stadium, Jowai.
Ki la don 14 tylli ki kynhun ïalehkai ki ban ïashim bynta ha kane ka lympung ha kaba la phiah ha ki 4 tylli ki Pool kata Pool A, B, C bad D.
Ha ka Pool-A ki long ka Da-ihi Mynsngat, Dongmihsngi bad Dulong. Ha ka Pool-B ki long ka LutiTuber Ïalong, Katholik Youth Mihmyntdu, Pateinki Sabah bad Panaliar. Ha ka Pool-C ki kynthup ïa ka 7 Wasa, Khimmusniang, Caroline bad Khliehmyntang ïalong, katba ha ka Pool-D ki long ka FAM, Mynthong bad ka Mookyndur.
