Shillong, Naitung 31
Ki shipai Border Security Force (BSF) ki la ïoh ban kem noh ïa 6 ngut ki nongkhaïi masi beaiñ sha Bangladesh bad kumjuh ban kurup 69 tylli ki masi na khappud katba dang thmu ban khaïi tuh.
Ka kyrwoh ba la pyllait da ki BSF la ong ba ki shipai ka 100 Bn jong ki BSF Meghalaya, ha ka jingkhynra ryngkat bad ki pulit, ki la ïoh kurup ïa 69 tylli masi kiba la thynñian ha saw tylli ki kali Bolero Pick-up na ka shnong Dalu kaba don ha khappud West Garo Hills.
Ïa kine ki briew kiba la ïoh ban kem noh bad kumjuh ïa ki masi kiba la ïoh ban kurup la aiti noh sha ki pulit jong ka thanat Dalu ba kin leh ïa kaba donkam.
