Shillong, Nailar 01
Ka shi kol ba la thep da u Banteilangki Sumer ka la biang pura ïa ka Meghalaya ban pynliem ïa ka Karnataka da 1-0 kol na ka bynta ban ïoh ïa ka jingjop kaba nyngkong ha ka lympung ïalehkai Junior Boys National Football Championship (Tier 1) 2024 na ka bynta ka BC Roy Trophy ha ka Sngi Palei ha Narainpur, Chhattisgarh.
Wat la kane ka kynhun hapoh ka jingïalam u Bah Lekini Suting ka la ïoh jingjop hynrei ka la hap ban wanphai noh sha la ïing namar kham ha shwa ka la mad ïa ar tylli ki jingshah rem kata ha ka Punjab da 2-1 kol bad ha ka Chandigarh na ka Group-D.
Ha kawei pat ka liang ka Chandigarh ka la ïoh jaka ban rung sha ka semi final na katei ka group hadien ba ka la lah ban pynliem noh ïa ka Punjab da 1-0 kol ha ka jingïalehkai kaba khatduh.
