Shillong, Nailar:
Ka Akashvani Shillong ka la shim bynta ha ka ‘Gift A Radio Campaign’ ba la pynlong da ka Zonal Office Guwahati. Kane ka jingïawer ban sam ïa ki Radio Set sha ki nongsngap kiba tista jong ka Akashvani, ka long kum shi bynta jong ka jingrakhe ïa ka jingsdang jong ka Radio Station kaba nyngkong eh ha ka thaiñ Shatei-lam-Mihngi ha ka 1 tarik, Naitung 1948.
Ki nongtrei jong ka Akashvani Shillong ki la ai sngewbha da ki Radio Set sha ki katto katne ngut ki nongsngap bad ruh sha ki seng treimon sngewbha.
Katto katne ngut ki riewpaidbah ruh ki la noh synñiang sha kane ka Campaign da kaba ong ba ka Radio ka long ka jingai sngewbha kaba don jingmyntoi na ka bynta kiba ïeit bathoiñ.
