Shillong, Nailar 02
Ka kynhun ki khynnah ïalehkai karate ka Jylla hapoh ka lama jong ka All Meghalaya Karate-Do Association (AMKA) ka la wanrah burom ïa ka Jylla da kaba khur haduh 10 tylli ki takma ha ka 8th International Karate Championship – Indian Challenger Cup 2024 kaba la long ha Netaji Indoor Stadium, Kolkata.
Kine ki kynthup ïa san tylli takma ksiar, ar tylli takma rupa bad lai tylli ki takma rnong.
Ka AMKA ka la phah 22 ngut ki nongïalehkai sha katei ka lympung kaba la sdang naduh 26 haduh 28 tarik kaba la ïalam da ka Ester Mary Lyngdoh bad u Pynhunlang Kharbuli.
Kiba la khur ïa ka takma ksiar ki long ka Phidaïakashisha Lyngdoh (Girls Indi-vidual Kumite Cadet -54 kg), Iwannaki L. Khongji (Girls Individual Kumite Cadet -42 kg), Ferrando Wanñiang (Boys Individual Kumite 13 years -45 kg), Nongpoknganba T. Kharmawphlang (Boys Individual Kumite 13 years -40 kg) bad u Aibor Jyrwa (Boys Individual Kumite 12 years -40 kg).
Ïa ki takma rupa la khur da ka Phin -dasumarlin Rani (Women Individual Kumite -45kg) bad ka Lapyntngen Mary Lamin (Girls Individual Kumite 12 years -40 kg). Katba ïa ki takma rnong la khur da ka Cathy Sweety Nongrum (Girls Individual Kumite junior -42 kg), Feliza Hujon (Girls Individual Kumite cadet -54 kg) bad ka Rupaly Deka (Girls Individual Kumite cadet -42 kg).
