Ha ka jingiohi jongnga ka ktien Khasi ka long ka ktien kaba donkam tam eh ha ka Jaidbynriew. Khlem ka ktien ka jaidbynriew ka jah noh. Kumta la dei ban dawa shuwa ïa ka ktien Khasi na ka Sorkar India.
Namar lada ngi la iohi jingithuh bad kynthup ïa ka ktien Khasi hapoh kata ka 8th Schedule ka ri India. Kumta ka jaitbynriew ka la ïeng bad paw ha khmat ka pyrthei. Ka ktien (Khasi language) kaba donkam eh na kine ki jingdawa baroh kum ïa u pud u sam, ka I. L. P. bad kiwei kiwei. Kiwei kiwei ngi lah ban dawa ne ngim donkam dawa shuh haba la ioh ïa ka ktien Khasi ban ioh rung na ka Eight Schedule ka riti synshar ka ri India ka long ka burom ïa ka jaitbynriew. Dei tang ka ktien kaba kordor tam ha knae ka ri bad ka jaitbynriew.
Te baroh ki stad thoh kot ka jaitbynriew, ki riewshemphang ka jaitbynriew, ki seng niam bad kiwei kiwei baroh lang, to ngin dawa shuwa ban ioh pynrung ïa ka ktien khasi hapoh kata ka khyrnit kaba phra jong ka riti synshar ka ri India.Namar lada ngi dawa shibun ngi lah ban duh baroh. Dawa shuwa ïa kaba donkam eh ym ban dawa lut ioh duh lut khlem ioh kawei ruh.
C. B. Iawphniaw
