Shillong, Nailar 02
U Myntri ka tnat jngohkai ka Jylla u Bah Paul Lyngdoh u la ong ba ka Jylla ka dang duna ki kali kiba dei ban pyndonkam na ka bynta ka kam jngohkai bad ka jingduna ki kali ka long kumba 3000 tylli tam.
U Bah Paul u la ong ba ka tnat Transport kan dang ai jingkheiñ kaba tikna bad ha ka taïew ban wan, kan don ruh ïa ka jingïakynduh lang (conclave) halor ki kam jngohkai ha kaba yn sa don ka jingïakren kaba kham bniah halor kiba bun ki jingdonkam na ka bynta ban pynbha ïa ka jingai jingshakri ban kyntiew ïa ka kam jngohkai ha kane ka Jylla.
U la ong ba ma u dalade un donlang ha ka sngi basdang jong ka ‘conclave’ bad jaka sngi kaba bud, u Myntri Rangbah u Conrad K Sangma un sa ïashim bynta lang.
Ki briew bad ki kynhun kiba donbynta ha ka kam jngohkai naduh ki nongpynïaid kali, ki nongpynïaid ïa ki ïing-basa bad kiwei ki jaka sah bad ki nongïalam shnong kiba wan na ki jaka ba don ki jaka jngohkai pyrthei.
