Shillong, Nailar 02
Ka Shillong Sports Association (SSA) ka la bteng biang ïa ka lympung ïalehkai Third Division 2024 ha ka Sngi Palei ha kaba ka Ïatyllilang SC bad ka Umlyngka SC ki la ïasam mar shi point hadien ïakhaid mar 1-1 kol.
Ha kane ka jingïakhun jong ka Group-B kaba la long ha SSA Stadium, Polo, baroh ar ki kynhun ki la pyrshang ban ïakhun tyngeh naduh kaba sdang. Hadien shiteng kynta ka Ïatyllilang ka la ïoh ban pynkhih jar nyngkong eh lyngba u Ïatyllibor Mynsong ha ka minit kaba 36.
Hynrei ka Umlyngka ka la lah ban pynphai kylla hashwa ban wai lyngba u Anthony Kharkongor ha ka minit kaba 84. Haduh kaba kut kine ki kynhun kim shym la lah shuh ban thep kol bad ki la kut ha ka jingïalehkai.
