Tura, Nailar 02
Ki nongshong shnong ka shnong Khaldang Agitchak ha North Garo Hills ki la dawa ban pyndait thymmai ïa u ‘transformer’ hadien ba u ‘transformer’ uba ju pynbiang bording ïa ka shnong u la sniew noh la kumba shi taïew eiei mynta, ha kawei ka liang kaba la pynlong ïa ka shnong baroh kawei ban shong dum.
Ki nongshong shnong ha ka kyrwoh ki la kynnoh ïa ka MeECL halor ka jingkynnoh bym shimkhia hadien ba kam shym la leh eiei ban wanrah bording biang hapoh shnong.
“Ym shym la don mano-mano na ka tnad kiba la wan halor kane ka jingeh haduh mynta. Ka shnong baroh kawei ka shong dum wat la kam shym la don ka sienjam ban pynbeit ïa kane ka jingeh (bording) wat haiden shi taïew mynta,” la ong ki nongshong shnong ha ka kyrwoh.
Haba kdew ba ki khynnah skul kumjuh kito kiba pyndonkam ïa ki rynsan ‘online’ na bynta ki kam bapher-bapher ki la shah ktah namar ka jnigthut ha ka bording, ki nongshong shnong ki la dawa ba ka tnad kan shim ki lad ki lynti ban wanrah (biang) kloi ïa ka bording hapoh shnong.
