Shillong, Nailar 04
Ka KHNAM Sengkmie ka pynpaw ïa ka jingsngewkmen halor ka rai kaba ka Dorbar Shnong Mawsynram (DSM) ka la shim pyrshah ban khanglad ïa ki nongïaid pilkrim jong ki shit niam Hindu, kiba la pyrshang ban pynlong jaka mane blei ïa ka jaka kyntang jong U Khasi, kumba la buh da u longshuwa-manshuwa.
“Ka krem Mawjymbuiñ kaba don ha Maw-synram ka don ka jingïathuhkhana kaba kyrpang da ki spah snem mynta bad ruh ka dei kawei na ki jaka jngohkai pyrthei ba paw bha ha ka Jylla. La katto-katne snem, kine ki jaidbynriew niam ki la pynlong ïa kata ka jingïaid kjat ryngkat ka riam katkum ka jingngeit niam ka jong ki, ha ryngkat ka jingrah ïa ki jingkñia bad kiwei-kiwei ban pyrshang pynlong jaka mane blei ïa katei ka jaka jngohkai pyrthei,” la ong u Working President ka KHNAM, CEC, Bah Thomas Passah ha ka kyrwoh khubor.
U la ong ruh ba ka seng ka pynpaw ïa ka jingsngew sarong bad ka jingïaroh ïa ka Dorbar Shnong jong ka Mawsynram kaba mynta kaba la lah ban ïohi ïa ka jingma kaba lah ban wan lada ym shimkhia.
“Ka seng ka don bad kan ïai don ha ryngkat bad ka Dorbar Shnong halor kane ka jingthmu,” u la ong.
