Moscow, Nailar:
Ka tnat ‘Emergency’ jong ka Russia, ha ka step Sngi Saitjaiñ ka la pyntip ba ka jingdon kiba khlad na ka jingtwa ka iingmala ha Nizhny Tagil, ka la kiew sha ka 10 ngut tad haduh ka miet Sngi Thohdieng ba la ioh ia ka kaiphod bathymmai. Katei ka tnat ha ka Sngi Thohdieng ka la pyntip ba ki kynhun iarap ki la lap ia 10 tylli ki metiap na katei ka jaka bad 15 ngut kiba la ioh ban sei bad ban pyllait im noh, kiba la sahkut hapoh ki kynrum- kynram kiba la tap ia katei ka jaka na ka jingtwa jong katei ka iingmala. Tad haduh jong ka step Sngi Saitjaiñ, la iathuh ba 5 ngut ki don hapdeng ka jingsumar bad ki don ruh hapdeng ka jingma namar ka jingmynsaw ka la jur.
