Shillong, Nailar:
Ka HMD Global ka la ïoh rung pura ha ka ïew jong ki Smartphone ha India da ka jingpyllait paidbah ïa ki Smartphone jong ka HMD Crest bad HMD Crest Max 5G, kaba mynta la lah ban ïoh tang ha ki Amazon Specials. Kine ki Model thymmai ki buh ïa ka kyrdan kaba ha khlieh duh ha ka jingshon dur mobile, da kaba don ïa ka camera selfie kaba 50MP ha baroh ar tylli ki tiar, ha kaba ka Crest Max ka pynpaw pyrthei shuh shuh ïa ka camera Triple AI kaba 64MP na ka bynta ka jingbha ki dur ki dar.
Ka HMD Crest bad ka Crest Max ki wan ryngkat bad ki jingdonkam batbit ban ring dur katkum ka AI, kynthup ka “Hands Free Selfie” mode, slow-motion video bad AI Super Portrait mode.
Ïa kine ki tiar la shna da ka 6.67″ FHD+ OLED Display bad la pyndonkam da ka Battery kaba khlaiñ bha kaba 5000mAh bad kaba sted lada Charge kaba 33W. Ka Crest Max ka ai ruh haduh 16GB RAM bad 256GB RAM, katba ka Crest ka ai haduh 12GB RAM bad 128GB.
Ha nongbah Shillong, ka ïew ka hat ka ïaid bha namar ka jingkhlaiñ ki camera bad la rukom shna pynwan dur ïa ki Smartphone kiba thymmai. Ka dor ïa mynta ka sdang naduh `.12,999 na ka bynta ka Crest bad `. 14,999 na ka bynta ka Crest Max.
U Ravi Kunwar, u VP jong ka India & APAC ha HMD, u la pynpaw ïa ka jingangnud jong ka kompeni ban pynïasoh lang ïa ka teknoloji ba heh bad ka jingpynwandur kaba lah ban neh. Baroh ar tylli ki model lah ban thied na ka Amazon bad ha ka website jong ka HMD.
