Shillong, Nailar:
Ka Johnson’s® baby, kaba long ka kompani kaba paw bha ban pynmih ïa ki jingsleh na ka bynta ki khyllung, ka la pyllait ïa ka byrta ka shula kaba thymmai ban pyni ha Television ne ka television campaign (TVC), bad ha kane ka byrta ka shula la pynak da ki aktor ka Bollywood, kata u Anil Kapoor bad Sonam Kapoor. Kane ka byrta ka shula kaba thymmai ka pyni ïa ka jingïaleh sngewbha, ka jingïalehkai bad ka jingïa-ïeid hapdeng u kpa bad ka khun. Ïa kane ka phlim la thaw da u DDB Mudra kaba nang pynskhem shuh shuh ïa ka jingtrei ba radbah jong ka Brand ban ïarap ban ïada ïa ka sniehdoh ba dang lung jong ki khyllung naduh ka sngi banyngkong da kaba pyndonkam ïa kine ki jingsleh ba la shna kyrpang ba la khleh beit tang da ki jingkhleh kiba shngaiñ ïa ki khyllung.
U Manoj Gadgil, Business Unit Head-Essential Health & Vice President Marketing, Kenvue, u ong, “Ha kine ki snem ba la leit, ka Johnson’s® Baby ka dei ka kompani ba ki kmie ki kpa ki shaniah, kaba ïaineh ha ka jingtrei jong ka ban ai ïa kaba bha tam na ka bynta ki khyllung. Ngi sngewkmen ban ïasam bad phi ïa kine ki byrta ki shula kiba thymmai kaba la ak da u Anil Kapoor bad ka Sonam Kapoor. Ka long ruh kaba ïahap bad ka jingtreikam jong ka Brand ban ïarap ïa ki khyllung naduh ka sngi ba nyngkong kaba ngi wanrah ïa ki tiar ki tar kiba bha ïa kiba la shna da ki jingkhleh kiba shngaiñ na ka bynta ki khyllung, ki jem ban ïada ïa ka sniehdoh ki khyllung naduh ka sngi ba nyngkong. Ngi sngew shngaiñ ba kane ka phlim ba thymmai kan ïahap bad ki jingsngew jong ki kmie.”
Haba kren shaphang ka jingsngew jong u ban leh ïa ki byrta ki shula na ka bynta ka Johnson’s baby, u Anil Kapoor u la bynrap, “Ka Johnson’s baby kad ei ka Brand kaba paw bha, ka brand kaba la shaniah da ki kmie ki kpa kum ba long ma ngi ha ka jingïaid lynti jong ngi kum ki kmie ki kpa. Kadei ka Johnson ba ka Sunita bad ma nga ngi shaniah ha ka por ba kha ïa ki khun jong ngi, naduh ka sngi ba la pynsum ha ka sien ba nyngkong bad naduh ka jingpynkhem ha ka sien ba nyngkong bad ter ter na kawei ka mawjam sha kawei pat. Nga sngewkmen ban ïoh ban ïadon bynta ha kane ka jingpynbna paidbah jong ka Johnsons ryngkat ka khun jong ka ka Sonam, kaba pynlong ïa kane ka jingïalap paidbah kaba kham kyrpang shuh shuh na ka bynta jong nga. Kum u kpa, bad mynta kum u païeid, ngam lah khlem da pynpaw ïa ka jingdonkam ban jied ïa ki Brand kiba lah ban shaniah ban ïarap ban ïada bad ai ïa ka jingsumar kaba bha tam na ka bynta i khun jong phi naduh ka sngi ba nyngkong.”
Ka Harshada Menon bad u Siddhesh Khatavkar, kiba long ki Executive Creative Director, jong ka DDB Mudra ki la ong, “Haba don i khyllung ha ïing, ka wanrah ka jingsngewtynnad ha baroh ki liang. Na kata ka daw, na ka bynta jong ngi, kane ka jingpynmih ïa ki byrta ki shula ym tang ba ki dei ki byrta ki shula, ki dei ki jingpyni ïa ka jingsngewtynnad kaba la jia hapdeng u kpa ïeid uba don ka jingkit khlieh, ka kmie kaba dap da ka jingïeid bad i khyllung iba itynnad bad ka jingpyndonkam ïa kine ki jingsleh jong ka Johnson’s baby kaba don ka bynta ba kyrpang.”
Kane ka byrta ka shula kaba la ap khmih lynti bha ‘Protection* ka Promise, Pehle Din Se’ yn pyni ha ki Television Channel kiba paw, ki Digital Platform, bad ki Social Media Network. Ki shihajar tam ki kmie kiba dei ki Influencer ne ki nongshna durkhih kin leit Live ban shim ïa kane ka jingkular ha kajuh ka por ba la pyllait ïa kane ka jingïalap paidbah ha kylleng ki rynsan Social Media.
