Nongpoh, Nailar 05
Ka jingther jong u ‘lapbah ba jur ha ka Lah Sngi U Blei uba la neh da kiba bun kynta, ka la wanrah bad pynlong biang ïa kiba bun ki jaka jong ka ‘service lane’ ka surok bah National Highway 6 ban shlei bad dap um, kaba la i thik kum ka pung bad wanrah jingeh shikatdei ïa ki paidbah nongleit nongwan.
Kane ka jingshlei um hapoh ki bynta jong ka sor Nongpoh, khamtam ki jaka kiba marjan bad ka Bethany Hospital, Umlyngkdait bad ka thanat Nongpoh kam dei satia kaba dang thymmai, hynrei kaba la ju ïai jia na ka por sha ka por ha ki por ba ther u slap namar ka jingbym biang jong ki nala pyntuid um.
Kumba la sakhi ha kane ka sngi, la ïohi ïa ki kali ki la ngam jan mar shiteng ha kane ka jingshlei um katba ki ar-shaka la ïohi ba ki la kyllon bad shah tap ha ka umsaw.
