Shillong, Nailar:
Ka Amazon India’s Prime Day 2024 ka la wanrah ïa ki thong bathymmai ha ka rukom die jingdie lyngba ka jingwanrah ïa ki kor ki bor teknoloji kiba katkum ka juk mynta bad ka jingkiew jong ki briew kiba ïadon bynta. Kane ka tamasa, ïa kaba la pynlong naduh ka 16 haduh 17 tarik u Naitung, la sakhi ïa ka jingkiew jong ka jingïashim bynta ki dkhot ka Prime da kumba bad ka jingkiew jong ka jingthied tiar kaba long 24,196 shi minit. Mynta u snem kane ka lympung ka pyni ïa ka jingaiti lut jong ka Amazon ban nang kham pynbha shuh shuh ïa ka jingïathied tiar lyngba ki kor teknoloji ba la shna katkum ka buit stad ba mynta bad ka jingdon ïa ki bynta treikam ban pynsuk ïa thied jingthied da kaba pynlong ïa ka kaba ïahap bad ki nongpyndonkam.
Ki bynta ba kongsan jong kane ka lympung ka dei ka jinglah ban pyndonkam ïa ki jingstad jong ki Artificial Intelligence ha kaba ïadei bad ka rukom saiñdur ïa ki jingtyrwa kiba biang bad ban pynïaid beit ïaid ryntih ïa ka rukom thied jingthie. Ka jingpyllait paidbah ïa ka Next-Gen Fire TV Stick kaba don ryngkat bad ka 4K Ultra HD, Dolby Vision, kaba treikam da ka Dolby Atmos® ka pynishai ïa ka jingpyrshang ba tyngeh jong ka Amazon ban wanrah ïa ki tiar ki tar kiba bha tam ha kaba ïadei bad ki teknoloji ban pynbyrngai ha ïing ne ki Home Entertainment technoloji. Nalor kane, ka jingpynïar ka jingpyntreikam ïa ka rukom thied jingthied da kaba kren da ka sur ne ka kham pynsuk ïa ki nongthied ba ki lah ban wad ïa ki tiar ki tar khlem da pyndonkam ïa ki kti.
Ha Shillong, ka ïew ka la thnem bha namar ba ki riewïeid teknoloji bad kito kiba thied jingthied man la ka sngi ki la shim bynta ban ïoh ïa ki tiar ki tar ba biang ka dor ha ka tamasa jong ka Prime Day. Ka jingbuh ïa ki tiar ki tar elektronik kiba la shna pynbha katkum ka juk bad ki tiar ki tar ba pyndonkam ha ki ïing ki sem ka juk mynta ïa kiba la tip kum ki Smart Home ki la ïaid ïew bha hapdeng ki nong Shillong kiba sngewtynnad ïa ki teknoloji, kaba pyni ïa ka jingkiew jong ka jingdon ki briew ha ka thaiñ kiba kwah ïa ki tiar ki tar kiba la shna katkum ki buit stad thymmai. Ka jingpaw jong ka Prime Day kam dei tang ka jingïadie ïathied, namar ka long ruh kum ka jingmih sted jong ki bor teknoloji kiba lah ban pyndap ïa ka jingdawa jong ka ïew hapdeng kiba bun.
