Shillong, Nailar 05
Ka Meghalaya Boxing Association (MBA) ha ryngkat ka jingïatreilang bad ka Directorate of Sports & Youth Affairs, kan pynlong ïa ka lympung ïakura jong ki shynrang bad kynthei ba la tip kum ka State Sub-Junior and Junior Boys & Girls Boxing Championships 2024 ha Indoor Sports Hall, Mawlai Mawroh, Shillong naduh ka 7 tarik haduh ka 9 tarik mynta u bnai.
Kin don kumba 100 ngut tam ki nongïakura na 8 tylli ki district (lai ngut na Garo District bad san ngut na Khasi, Jaiñtia bad Bhoi) kin ïashim bynta ha kine ki rynsan ïakura. Ka jingthmu jong kane ka rynsan ïakura ka long ban ai ka rynsan ïa ki nongïakura na kylleng ka Jylla ba kin pyni ïa la ka jong ki sap ba kyrpang.
Na kane ka lympung ka MBA ka la rai ban jied ïa ki nongjop (baroh ar ki shynrang bad ki kynthei) ki ban mihkhmat ïa ka Jylla sha ki rynsan ïakura jong ka Regional bad National Boxing Championship ki ban sa long shen. Ka rta jong ka Sub-Junior Division ka long hapdeng 13 haduh 14 snem bad ka Junior Division ka long hapdeng 15 bad 16 snem.
Kin don haduh 14 tylli ki kyrsan jingkhia ki ban ïashim bynta ha ka Sub-Junior naduh 31-33kg ,33-35kg,35-37kg,37-40kg,40-43kg,43-46kg,46-49kg,49-52kg,52-55kg,55-58kg,58-61kg,61-64kg,64-67kg and 67-70kg and 12 weight categories for Junior Division start from 44-46kg,46-48kg,48-50kg,50-52kg,52-54kg,54-57kg,57-60kg,60-63kg,63-66kg66-70 ,70-75kg bad 75-80kg na ka bynta ki shynrag bad ki kynthei.
Ka rukom pynlong ïa kane ka jingïakop kan long lai kylla (3 round) na ka bynta 2 minit bad ka jingshong jahthait kaba 1 minit hapdeng man ki kylla. Kane ka lympung kan sdang naduh ka por 10 baje mynstep manla ka sngi. Kane kyrwoh ka la wan lyngba u Secretary ka MBA u Bah Dondor Marweiñ.
