Shillong, Nailar 05
Ka India ka la noh ïa kawei pat ka takma rnong ha ka Paris Olympics 2024 hadien ba u rangïalehkai badminton ka ri u Lakshya Sen u la mad ïa ka jingshah rem ha u Lee Zii Jia uba la don ha kyrdan hynriew ha Malaysia.
Ha kane ka jingïa-knieh ban khur ïa katei ka takma ha ka lah sngi U Blei, u Sen ha ka wat kaba nyngkong u la tam da 21-13 bad hadien u la tam biang da 8-3, hynrei ha kaba kut u la shah tam da 21-16.
U Lakshya u la sangeh ïalehkai ha ka jingïakhun kaba ar bad kumjuh ha ka jingïakhun na ka bynta ban ïoh ka jingkhmih bniah lyngba ki doctor. Ka la don ka jingshitom ha ka kti kadiang jong u bad kane ka la ktah ha ka jing-lehkai ka jong u. U Lakshya u la shah rem noh ha ka jingïakhun kaba lai da 21-11, te kumta um shym la lah ban khur takma napdeng ki nongïalehkai badminton shynrang ka ri ha ka Olympics. Ha ki lai sien ba la dep jong ka Olympics, ka India ka la ïoh khur takma ha ka badminton.
