Jowai, Nailar 05
Kum ka jingpynkhreh ïa ka lad jingïada na kano-kano ka jingphet wir ki briew na Bangladesh sha India na ka daw ka jingïakynad ha Ri Bangladesh, ka Sorkar Pdeng ka la phah lypa kumba shispah ngut ki BSF sha ki thaiñ khappud ba don ha jylla Meghalaya.
Katkum ka tyllong khubor, kitei ki BSF ki la wan poi ha ka janmiet jong ka Lah Sngi U Blei ha ka shnong Nongtalang hapoh West Jaiñtia Hills District ha khappud bad ka Bangladesh.
Kine ki BSF ha kaba nyngkong ki la pynbeit ban sah ha Nongtalang College kaba thymmai hynrei namar ka jingbym biang jong ka network mobile, kumta la pynbeit noh ïa ka jaka sah ha Nongtalang Govt. Secondary School ha ka kamra kaba shapoh.
