Shillong, Nailar 05
Ka khlur ïalehkai Arm Wrestling ka Jylla, ka Cdt Airikmenlang Shabong ka la shah jied ban mihkhmat ïa ka ri India sha ka World Arm Wrestling and Para Arm Wrestling Championship 2024 (Under-50 Kg Youth and Senior Category) ka ban long ha Moldova naduh 15 haduh 25 tarim mynta u bnai.
Kane ka la wan hadien ba ka la wanrah burom ïa ka Jylla da kaba khur ar tylli ki takma ksiar ha ka rynsan ïakhun jong ka National Arm Wrestling kaba la long ha Nagpur, Maharashtra ha ka kyrdan ïakhun jong ka right youth bad senior category.
Nalor katta ka la ïoh ruh ba kan khur sa ïa ka takma rupa ha ka kyrdan ïakhun jong ka left hand youth bad sa ka takma rnong ha ka kyrdan iakhun jong ka left hand senior category.
